Vaxtdan səmərəli istifadə

Tapşırıq və fəaliyyətlər arasında vaxt bölgüsünün planlaşdırılması və təşkil olunmasını öyrənmək daha ağıllı şəkildə işləmək və qısa vaxt ərzində daha çox nailiyyət əldə etmək imkanı verir. Tədqiqatlar göstərir ki, vaxtdan səmərəli istifadə bacarığının olmaması insanlarda və komanda içərisində gərginlik yaradır. Diqqətini tapşırığa deyil, nəticələrə yönəltmək vaxtdan səmərəli istifadə üçün şərtdir. Əksər insanlar daim məşğul olurlar, ancaq bu halda faktiki olaraq az iş görülür, işləri son tarixə qədər çatdırmaq mümkün olmur, gərginlik artır və işin ümumi keyfiyyəti aşağı düşür.

Fərdi və ya qrup şəklində vaxt bölgüsünü planlaşdırmaq vaxt itkisi kimi görünə bilər, ancaq bu, uzunmüddətli perspektivdə vaxta çox qənaət edilməsinə kömək edəcək və düzgün nəticələrin əldə edilməsini təmin edəcəkdir. Vaxtdan səmərəli istifadənin strukturunu qurmuş şəxslər və komandalar digərlərindən daha peşəkar hesab olunurlar. Timbildinq proqramları vaxtdan səmərəli istifadə və məhsuldarlığın artması arasındakı müsbət əlaqələri nəzərə çarpdırmaq və gücləndirmək üçün effektiv vasitədir.