Time to Talk

Haqqında

"Time to Talk" söhbətləri stimullaşdırmaq və onlayn və ya oflayn görüşlərinizi həyəcanlı hala gətirmək üçün mükəmməl vasitədir. Qısa tanışlıq mərhələsindən sonra hər bir iştirakçı müzakirə otağına daxil olaraq mobil telefon və ya iş masasında oyuna qoşulur. "Time to Talk" heç bir tətbiqin yüklənməsini tələb etməyən dərhal girə biləcəyiniz brauzer əsaslı oyundur. Platforma müəyyən edilmiş vaxt ərzində xüsusi tapşırığı yerinə yetirməli olan spikeri təsadüfi üsulla seçdikdə iştirakçılar arasında enerji yüksəlir. Əgər yetərincə cəsur olsalar, spikerlər tapşırığın çətinlik dərəcəsini artıraraq həyəcanı daha da yüksəldə bilərlər. Vaxt bitdikdən sonra digər iştirakçılar spikerə öz fikirlərini bildirirlər. Daha sonra, oyunu başqası davam etdirərək tapşırığı icra edir. Oyun hər kəs növbə ilə tapşırığı icra edənə qədər davam edir!

Öyrənmə nəticələri

"Time to Talk" ani söhbətləri, spontanlıq və kreativliyi stimullaşdırmaq üçün nəzərdə tutulub. "Time to Talk" oyununda hər iştirakçıya bərabər hüquq verilir və hər kəsin öz perspektivindən töhfə verə biləcəyi inklüziv mühit yaradılır. Oyun zamanı fikir bildirmə və fəal dinləmə mədəniyyətinin formalaşdırılması üçün müvafiq şərait yaradılır. Nəticədə iştirakçılar arasında bağ yaranır ki, bu da motivasiya və fəallıq dərəcəsini yüksəldir, eləcə də korporativ mədəniyyəti gücləndirir.

"Time to Talk" oyununu öz tələblərinizə tam şəkildə uyğunlaşdıra bilərsiniz. Fəaliyyətin ümumi müddətini, mərhələlərin sayını və hər iştirakçıya verilən vaxtı özünüzü seçə bilərsiniz. Rəqabətcil yoxsa kollektiv formatda olsun? Əyləncəli söhbətləri stimullaşdıran qeyri-formal ünsiyyət fəaliyyətini seçin yaxud daha ciddi və nəticələrə əsaslanan fəaliyyət istəyirsinizsə, öz xüsusi tədris materiallarınızı "Time to Talk" oyununa daxil edin.